Paring Pilipino (Fr. Borge)

BASAHON PARA SA LITURHIYA KARONG DOMINGO

 SOLEMNIDAD SANTISSIMA TRINIDAD

^{UNANG PAGBASA}

^{Esodo 34, 4b-6.8-9}

⁴Busa nagtabas si Moisés og duha ka papan sama sa una ug mibangon siya sayo sa buntag ug mitungas sa Bukid sa Sinai dala ang duha ka papan nga bato súmala sa gisugo sa GINOO kaniya.

⁶Milabay ang GINOO kaniya ug miingon, "Ang GINOO, ang GINOO, Dios nga maluloy-on ug maayo, hinay nga masuko ug puno sa makanunayong gugma ug kamaonungon, Ug daling miduko si Moisés sa iyang ulo ug misimba siya. ⁹Ug siya miingon, "Karon, O, GINOO, kon imo akong gikahimut-an, naghangyo ako kanimo, nga mouban ka kanamo bisan og gahig ulo kining maong katawhan. Ug pasayloa ang among kadautan ug ang among sala ug isipa kami nga imong pinili."

SALMO (Daniel 3,52-56)

" Padayega ang kalibutan sa GINOO; paawita siyag pagdayeg ug himaya

kaniya hangtud sa kahangturan.

⁵³ Dayega ang GINOO, kabukiran

ug kabungtoran, awiti siyag pagdayeg ug himayaa siya hangtud sa kahangturan.

⁵⁴ Dayega ang GINOO, tanang nagatubo

sa yuta, awiti siyag pagdayeg ug himayaa siya hangtud sa kahangturan.

⁵⁵ Dayega ang GINOO, kamong mga busay,

awiti siyag pagdayeg ug himayaa siya * hangtud sa kahangturan.

⁵⁶ Dayega ang GINOO, kadagatan ug kasapaan,

awiti siyag pagdayeg ug himayaa siya hangtud sa kahangturan.

IKADUHANG PAGBASA

2Cor 13, 11-13

¹¹ Sa katapusan, kaigsuonan, manamilit ako kaninyo. Tarunga ang inyong mga paagi. Tagda ninyo ang akong hangyo. Pagdinasigay kamo. Pagsinabtanay ug pagdinaitay kamo, ug ang Dios sa paghigugma ug kadait, magauban kaninyo. ¹²Pagpangumostahay kamo pinaagi sa inigsuon nga halok. ¹³Ang tanang katawhan sa Dios nangumosta kaninyo.

Ebanghelyo

Juan 3, 16-18

¹⁶ Kay ang Dios nahigugma kaayo sa kalibutan nga iyang gihatag ang iyang bugtong Anak, aron ang tañan nga motuo-kaniya dili malaglag kondili makabaton sa kinabuhi nga way katapusan. ¹⁷Kay mipadala ang Dios sa iyang Anak nganhi sa kalibutan, dili aron pagsilot sa kalibutan, kondili aron maluwas ang kalibutan pinaagi kaniya. ^uSiya nga mituo kaniya dili silotan; apan ang wala motuo gisilotan na, kay wala man siya motuo sa ngalan sa bugtong Anak sa Dios.

ANG REYNA ELENA SA CLARIN NIINING TUIGA 2011!!!

KINSA MAN SI REYNA (Santa) ELENA?

Si Reyna (Santa) Elena usa ka plebeian family, gibuwagan sa iyang bana nga usa ka dako dako sa mga militar nga si Costanzo Cloro, tungod sa pagmando sa usa ka emperador nga si Diocleziano.  Dihang ang iyang anak nga si Costanzo nakadaug sa gubat kontra ni Massenzio iyang rival, ug nahimong pinakagamhanan sa tibuok empero, ug ang iyang inahan nga si Elena nakadawat ug titolo sa tibuok empero ang titolo nga maoy ginadamgo sa tanang mga babaye sa kalibutan. Mao kini ang sinugdanan  sa bag ong panahon sa kristianesmo , ug si Costantino human makadaog  sa gubat iyang gipanalipdan ang pagtoo kang  Hesu Kristo ug iyang gihatagan ug kagawasan ang mga kasaulogan nga kristiyanos . Usa ka dakong basihan ang gihimo ni Reyna Elena sa kausaban sa iyang anak nga si Costanzo sa pagpanginabuhing kristiyanos . Si Reyna Elena usa ka dakong relihiyosa , manggihatagon ug iyang gipahimoan niya ug mga dagkong simbahan ang mga lugar nga balaan. Ug iyang gipangita ang lubnganan ni Kristo ug ang Krus diin gilansang si Kristo ug iya usab nga gipangita ang krus sa duha ka kawatan. Nakaplagan ni Reyna Elena ang krus ni Kristo sa tuig  326 sa iya gayong mga mata, sa pagkakaplag sa krus maoy pinaka emosyonal nga pagbati sa tibuok kristiyanos sa kalibutan  ug iya dayon gipahimoan ug dakong simbahan  ang buntod sa Olivo nga nagdala sa iyang ngalan. Mora ug namatay siya niadtong tuig 330.

"La tradizione narra che Elena, salita sul Golgota per purificare quel sacro luogo dagli edifici pagani fatti costruire dai romani, scoprì la vera Croce di Cristo, perché il cadavere di un uomo messo a giacere su di essa ritornò miracolosamente in vita."

Ang tradisyon nagbutyag nga si Elena, misaka ngadto sa golgotà aron pagahinloan ang lugar sa mga idolo sa mga pagano nga gipanghimo sa mga taga roma, nakaplagan ang tinuod nga krus ni Kristo, tungod  sa usa ka milagro sa kinabuhi kay ang usa ka patayng lawas sa usa ka tawo diha sa ibabaw sa krus nabuhi pag-usab.