PAROKYASANMIGUELCLARIN: Pag-Ampo

ANG MGA MISTERYO SA ROSARYO

ANG MISTERYO SA KALIPAY: (LUNES & SABADO)

1. 1. Ang Pagpahibalo kang Birhen Maria nga mahimong Inahan sa
Anak sa Diyos
2. Ang Pagduaw ni Santa Maria kang Santa Isabel
3. Ang Pagkatawo sa Anak sa Diyos sa Kamalig sa Belen
4. Ang Paghalad sa Diyosnong Bata didto sa Simbahan
5. Ang Pagkawala sa Diyosnong Bata ug Pagkakaplag Kaniya didto
sa Templo taliwala sa mga Makinaadmanon

ANG MISTERYO SA KAHAYAG: (HUWEBES)

1. Ang Pagbunyag kang Kristo sa Suba sa Jordan

2. Ang Pagdayag ni Kristo sa Iyang kaugalingon didto sa Kasal sa

Cana

3. Ang Pagproklamar ni Kristo sa Gingharian sa Diyos uban sa iyang
tawag sa pagbag-o
4. Ang Pagkausab sa panagway ni Kristo
5. Ang Pagmugna ni Kristo sa Eukaristiya, ang Sakramentuhanon nga
pagpakita sa Misteryo sa Pasko

ANG MISTERYO SA KASAKIT: (MARTES & BIYERNES)

1. 1.Ang Pag-Ampo sa Atong Ginoo didto sa tanaman sa Getsemane
2. Ang Paggaid ug Paghampak sa atong Manunubos
3. Ang Pagpurongurong sa atong Ginoong Jesukristo sa Koronang
tunokan
4. Ang Pagpas-an sa Krus sa atong Ginoo
5. Ang Pagkamatay sa atong Ginoong Jesukristo sa Krus

ANG MISTERYO SA HIMAYA: (MIYERKULES & DOMINGO)

1. 1. Ang Mahimayaong Pagkabanhaw sa atong Ginoong Jesukristo
2. Ang Pagsaka sa Langit sa Anak sa Diyos
3. Ang Pagkunsad sa Espiritu Santo sa mga Apostoles
4. Ang Pagbayaw sa Langit sa Mahal nga Birhen
5. Ang Pagkorona sa Mahal nga Birhen Maria nga Reyna sa Langit ug
Yuta.

PAG-AMPO ALANG SA SEÑOR STO. NIÑO

(Source: Original Novena Prayer of Sto. Niño de Cebu)

O Senyor Sto. Niño, ikaw ang among Hari ug ang Diyos, nagasimba kami kanimo, ikaw ang among malig-on nga manlalaban, nagapalaban kami kanimo, iakw ang among patron, nagadangop kami kanimo, ikaw nga nagbuhat sa daghang mga katingalahan pinaagi sa imong larawan nga milagroso dinhi niinning kapupud-an, hinumduman mo kami ug sud-onga kining kabus nga kalag nga nagadangop kanimo aron imong tabangan. Agaka kami sa imong
kinaadman, tudloi kami pinaagi sa imong kamatuoran, lipaya kami sa imong kalumo, panalipdi kami sa imong gahum. Nagahalad kami karong adlawa sa among mga hunahuna nganha kanimo, diha lamang kanimo amo silang itumong sa among mga pulong mahitungod lamang kanimo, sila maghisgut saamong mga kasakit aron kami makaantus nila tungod lamang kanimo. Nangamuyo kami kanimo Senyor Sto. Niño, hayagi ang among salabutan, inita ang
among kabubut-on, limpyoha ang among lawas, santosa ang among kalag. Buot kaming tanan nga pagbut-an mo tungod kay maoy pagbuot, subay sa imong pagbuot, kutob sa gidugayon nga ikaw magbuot.

Itugot Senyor Sto. Niño nga kami magbaton sa gugma alang kanimo nga dili kami magpatuyang sa among kaugalingon nga magmadasigon kami alang sa kaayohan sa among isigkatawo nga magtamay kami ingon sa angay sa mga butang sa kalibutan. Tabangi

kami pagbuntog sa among kailibgon pinaagi sa mabinantayon nga kaligdong, pagdaog sa kahakog pinaagi sa kaaghop, pagbiya sa kataskop pinaagi sa madasigong kakugi. Himoa kami nga makinaadmanon dinha sa pagpanghukom, isug dinha sa katalagman, mapalubon dinha sa pagsulay, mapaubsanon Dinha sa maayong kapalaran.

Tudlo-i kami, higugmaong Senyor Sto. Niño sa kawaybili sa kalibutan, sa kahamili sa langit, sa kamubo sa panahon, sa kataas gayud sa etemidad. Ihatag kanamo sa katapusan nga kami dili unta mahikalimot kanimo, nga kami magsimba kanimo, mahigugma kanimo ug mag-alagad kanimo dinhi sa yuta aron kami magmalipayon uban kanimo hangtud saw ala nay pagkatapos didto sa langit. Amen

SENYOR STO. NIÑO, TABANGI KAMI

(Source: Original Novena Prayer of Sto. Niño de Cebu)

PANGULO: Ginoo, malooy ka

TANAN:

Ginoo, malooy ka

PANGULO: Kristo, malooy ka

TANAN:

Kristo, malooy ka

PANGULO: Jesus, pamatia kami

TANAN:

Jesus, pamatia kami

PANGULO: Jesus, patalinghugi kami

TANAN:

Jesus, patalinghugi kami
PANGULO: Sa tanang mga kinahanglan nga muduol kami kanimo
uban sa mapaubsanong pagsalig

TANAN: